زەرداری دەبێتە سەرۆکی پاکستان

ئاڤا نیوز

 

ئاسیف عەلی زەرداری، هاوژینی بینەزیر بوهوتۆ-ـی یەکەم سەرۆکوەزیرانی ژنی پاکستان، کە تیرۆر کرا، وەک سەرۆکی پاکستان هەڵبژێررا.

 

چیرۆکی سەرەکی: یاسادانەرانی حیزبەکەی بوهوتۆ زەردارییان هەڵبژارد، نەواز شەریفیش وەک سەرۆکوەزیرانی پاکستان هەڵبژێررا و زەرداری سبەی سوێندی یاسایی دەخوات.

 

زانیاریی گشتی: زەرداری ئێستا تەمەنی 68 ساڵە، دوای تیرۆرکردنی هاوسەرەکەی لە 2008دا وەک سەرۆکی پاکستان هەڵبژێررا، پێشتریش بە تۆمەتی گەندەڵی زیاتر لە 11 ساڵ زیندانی کراوە.

 

باکگراوند: دەنگۆی ئەوە هەبوو کە هەڵبژاردنەکانی 8ـی شوباتی پاکستان پێشوەخت یەکلاییکرابێتەوە و ساختەکاریی تێدا کرابێت. عیمران خان-ـی سەرۆکوەزیرانی پێشوو بەند کرا و ڕێی ڕکابەریی لێ گیرا، هەندێک لە ئەندامانی پارتەکەشی بە ئامانج گیران و دەستبەسەر کران و هەندێکیان ناچار کران وەک کاندیدی سەربەخۆ بەشداری بکەن
بەڵام هەر زۆرینەی دەنگیان بە دەست هێنا.