دەستپاکی عێراق دەستگیرکردنی 50 کەس بەتۆمەتی گەندەڵیی ڕادەگەیێنێت

ئاڤا نیوز

دەستەی دەستپاکی عێراق ڕایگەیاند، مانگی ڕابردوو بەدواداچوونیان بۆ 102 دۆسیەی گەندەڵیی کردووە و 50 کەسیش بەتۆمەتی گەندەڵی دەستگیرکراون.

ڕاگەیێنراوی فەرمی: دەستەکە لە ڕاگەیێنراوێکدا ئاماژەی بەوەكردووە، مانگی ڕابردوو بەدواداچوون بۆ 102 دۆسیەی گەندەڵی لە سەرجەم پارێزگاکان کراوە، لە دەرئەنجامیشدا نۆ کەس تۆمەتبارکراون و 50 کەسیش بەتۆمەتی گەندەڵی دەستگیرکراون.

ئەوەی پێویستە بیزانیت: پێشتریش دەستەی دەستپاکی عێراق ڕایگەیاندبوو، مانگی شوبات بەبەهای زیاتر لە 18 ملیار دینار ڕێگرییان لە دزینی سامانی گشتی کردووە.