هەڤاڵ ئەبوبەکر: هەموو ئامادەکارییەک بۆ جەژن کراوە

 

ئاڤا نیوز

بەبۆنەی هاتنی جەژنی ڕەمەزان لە پارێزگای سلێمانی ئامادەکاری تەواو کراوە، پارێزگاری سلێمانی دەڵێت 'هەموو پێشنیاز و ڕێکارەکانی تایبەت بە جەژن پەسەند کراون'.

چیرۆکی سەرەکی: بە بۆنەی نزیکبوونەوە لە جەژنی ڕەمەزان و هاتنی گەشتیار بۆ شارەکانی هەرێمی کوردستان، یەکە کارگێڕییەکان ئامادەکاری تەواویان کردووە بۆ پێشوازی لە گەشتیاران.

لێدوانی فەرمی: هەڤاڵ ئەبووبەکر، پارێزگاری سلێمانی، بە ئاڤا میدیای ڕاگەیاند: دەمانەوێت هاونیشتمانیان و گەشتیاران جەژنێکی ئارام بەڕێ بکەن، بۆ ئەو مەبەستەش بەرپرسی یەکە کارگێڕییەکان بەتایبەت قایمقامییەت و لیژنەکانی لەگەڵ فەرمانگە پەیوەندیدارەکان کۆبوونەوەیان کردووە، ئەو ڕێکار و پێشنیازانەی بۆ پێشوازیکردن لە جەژن بوو خستیانە ڕوو، ئێمەش پەسەندمان کردن.

زانیاریی زیاتر: پارێزگاری سلێمانی وتیشی: بەڕێوەبەرایەتی گشتیی گەشتوگوزار، هاتووچۆ، پۆلیس، ئاسایش، تەندروستی، ئاو، کارەبا ئەرکەکانیان لە ڕۆژانی جەژن جێبەجێ دەکەن.