دوای مانگێک ڕاگرتنی لە ئاسایشی سلێمانی بەشدار بازیانی ئازاد کرا

ئاڤا نیوز

 

بەڕێوەبەرایەتیی ئاسایشی سلێمانی ماوەی مانگێک بەشدار بازیانی ڕۆژنامەوانی ڕاگرت و دواتر بە کەفالەت ئازادی کرد.

 

چیرۆکی سەرەکی: ڕۆژی 10-3-2025، ڕۆژنامەنووسان بەشدار بازیانی و دانا ساڵح، نەبەز شێخانی لەلایەن هێزێکی ئەمنی سلێمانییەوە دەستگیر کران، بەڵام بۆ ڕۆژی دواتر جگە لە بەشدار بازیانی دوو ڕۆژنامەنووسەکەی دیکە بە کەفالەتی ملیۆنێک دینار ئازاد کران.

بڵاوکراوەی فەرمی: بەشدار بازیانی، ڕۆژنامەوان لە پەڕەی تایبەتی خۆی لە تۆڕی کۆمەڵایەتی فەیسبووک نووسیویەتی: دوای مانەوە بۆ ماوەی مانگێک لە بەڕێوەبەرایەتیی ئاسایشی سلێمانی، دواجار لەسەر کەفالەتی کەسی قوباد تاڵەبانی ئازاد کرام، وردە وردە ڕاستییەکان ڕووندەبنەوە و خواش ڕاستییەکان دەزانێت.

 

زانیاریی زیاتر: ئەو ڕۆژنامەوانە دەڵێت: ڕۆژنامەوانی جدی و دەستبردن بۆ کاری هەستیار ئەم شتانەشی بەدوادا دێت، من هەمیشە چاوەڕوانی دۆخی سەختتر بووم، بۆیە ئاسایی وەریدەگرم، سوپاسی ئەو کەسانە دەکەم کە لە خەمدابوون.