ڕاگەیێنراوی وەزارەتی دەرەوەی ئەمریکا لەبارەی پەیوەندی تەلەفۆنی نێوان مەسرور بارزانی و مارکۆ ڕۆبیۆ

ئاڤا نیوز

وەزارەتی دەرەوەی ئەمریکا ڕایگەیاند، مارکۆ ڕوبیۆ، وەزیری دەرەوەی ئەمریکا لەگەڵ مەسرور بارزانی، سەرۆکوەزیرانی هەرێمی کوردستان پەیوەندییەکی تەلەفۆنیان ئەنجامداوە، وتەبێژی وەزارەتەکەش دەڵێت، جەخت لەسەر فراوانکردنی پەیوەندییەکانی هەردوولا کراوە.

چیرۆکی سەرەکی: ئێوارەی ئەمڕۆ هەینی 2025-04-11، لە پەیوەندییەکی تەلەفۆنیدا، سەرۆکوەزیران مەسرور بارزانی لەگەڵ مارکۆ ڕۆبیۆ، وەزیری دەرەوەی ئەمریکا، باسیان لە دۆخی ناوچەکە و هەناردەکردنەوەی نەوت کرد.

لێدوانی فەرمی: تامی برووس وتەبێژی وەزارەتی دەرەوەی ئەمریکا ڕایگەیاند:

٠ لە پەیوەندییە تەلەفۆنییەکەدا، وەزیری دەرەوەی ئەمریکا بە گرنگییەوە باسی لە هاوبەشی بەهێزی ئەمریکا و هەرێمی کوردستان لە فراوانکردنی هەلی بازرگانی و بەرەوپێشبردنی سەقامگیری ناوچەکە و بەهێزکردنی دیموکراسی کرد.

٠ وەزیری دەرەوەی ئەمریکا و سەرۆکوەزیرانی هەرێمی کوردستان کۆک بوون لەسەر ئەوەی کە دەستبەجێ کردنەوەی بۆری نەوتی عێراق - تورکیا زۆر گرنگە بۆ پاراستنی وەبەرهێنانەکانی ڕابردووی ئەمریکا و ڕاکیشانی وەبەرهێنانی زیاتر لە داهاتوودا.