سەرۆکوەزیرانی هایتی دەستی لە کار کێشایەوە

ئاڤا نیوز

دوای تێکچوونی دۆخی هایتی بەهۆی باندەکانەوە، ئاریێڵ هێنری، سەرۆکوەزیرانی هایتی دەستلەکارکێشانەوەی لە پۆستەکەی ڕاگەیاند.

چیرۆکی سەرەکی: ماوەیەکە تووندوتیژی لە وڵاتی هایتی سەریهەڵداوە، گرووپ و باندە تاوانکارییەکان بەردەوام هێرشیان دەکردە سەر بنکەکانی پۆلیس، بەندیخانە و فڕۆکەخانەکانی ئەو وڵاتە و داوای دەستلەکارکێشانەوەی سەرۆکوەزیرانیان دەکرد.  

بۆ چی گرنگە: بە دەست لەکارکێشانەوەی ئاریێڵ هێنری، ئامانجی باندە تووندڕەوەکان بەدیدێت و چاوەڕوان دەکرێت کۆتایی بە گرژی و ئاڵۆزییەکان بێت.

قووڵتر: کۆبوونەوەیەکی بەپەلە لەسەر داوای کۆمەڵەی کاریبە (کاریکوم) بە بەشداری ئەمریکا، کەنەدا و نەتەوەیەکگرتووەکان بەڕێوەچوو. ئەمریکا 133 ملیۆن دۆلار و کەنەدا 91 ملیۆن دۆلاری بۆ چارەسەرکردنی کێشەکە تەرخان کرد.

هەریەک لە وڵاتامی فەرەنسا، ئەڵمانیا، جامایکا و ئیسپانیا پشکییان دەبێت لە هاوکاریی لۆجستی دارایی بۆ  وڵاتەکە.

لێدوانی فەرمی: محەممەد عیرفان عەلی، سەرۆکی گویانا کاریکۆم دەڵێت: "ئێمە ئاگاداری دەستلەکارکێشانەوەی سەرۆکوەزیرانی ئاریێل هێنری بووین"، بە  "ڕێککەوتنێکی حوکمڕانی ئینتقالی دەیبینین کە ڕێگە خۆش دەکات بۆ گواستنەوەی ئاشتیانەی دەسەڵات".