لە عێراق دوو ڕۆژ پشوو ڕادەگەیێنرێت

ئاڤا نیوز

 

ئەنجوومەنی وەزیرانی عێراق بڕیاری دا بەبۆنەی جەژنی قیامە، ڕۆژانی 20 و 21ـی ئەم مانگە تەنیا بۆ کریستیانەکان بکاتە پشووی فەرمی. 

 

چیرۆکی سەرەکی: کریستیانەکان هاوشێوەی پەیڕەوکارانی ئایینەکانی دیکەی عێراق ساڵانە لە ڕێوڕەسمی جیاواز یادی جەژنی قیامە یاخود ئیستەر دەکەنەوە، حکومەتی عێراقیش پشووی فەرمی بەوبۆنەیەوە ڕادەگەینێت. 

 

ڕاگەیێنراوی فەرمی: نووسینگەی ڕاگەیاندنی سەرۆکوەزیران بڵاویکردەوە: ئەنجوومەنی وەزیرانی عێراق لە کۆبوونەوەی ئاسایی خۆی، ئەمڕۆ 15-4-2025 کە بەسەرۆکایەتیی محەممەد شیاع سوودانی بەڕێوەچوو، بڕیاری دا، ڕۆژانی 20 و21-4-2025، لە سەرجەم دام و دەزگاکانی حکومەت بۆ کریستیانەکان بکرێتە پشووی فەرمی.

 

ئەمەش بزانە: لە ئایینی مەسیحیدا، جەژنی قیامە تایبەتە بە لە خاچدان و دواتر زیندووبوونەوەی حەزرەتی مەسیح، لە ڕۆژی "هەینی پیرۆز"دا یادی لە خاچدانی عیسای مەسیح دەكرێتەوە كە لە گۆلگۆسا لە شاری قودس لە سەردەمی ڕۆمانەكان لە خاچدرا.