لە هەولێر جیاوازی نرخی شوێنی وەستاندنی ئۆتۆمبێل هاووڵاتیانی نیگەران کردووە

ئاڤا نیوز

 

جیاوازی نرخی شوێنی وەستاندنی ئۆتۆمبێل لە بازاڕ و چێشتخانە و شوێنە گشتییەکانی هەولێر، هاونیشتمانیانی نیگەران کردووە و داوای ڕێکخستنەوەی دەکەن. 

 

چیرۆکی سەرەکی: بەهۆی زیادبوونی ژمارەی ئۆتۆمبێل بەشێکی زۆر لەو هاووڵاتیانەی سەردانی بازاڕ و شوێنە گشتییەکان دەکەن پێویستیان بە شوێنی وەستاندنی ئۆتۆمبێل هەیە، بەڵام جیاوازی نرخ لەو شوێنانە ئێستا هاونیشتمانیانی نیگەران کردووە و داوای ڕێکخستنەوەی دەکەن. 

 

زانیاریی زیاتر: بەهۆی جیاوازی شوێنەوە نرخەکانیش گۆڕانکاری بەسەردا دێت، کەمترین نرخ لە هەولێر یەک هەزار دینارە و تاوەکو 30 هەزار دیناریش دەڕوات. 

 

لێدوانی فەرمی: نەبەز عەبدولحەمید، قایمقامی قەزای ناوەندی هەولێر بە ئاڤای ڕاگەیاند، هەوڵەکانمان لەم بارەیەوە دەستپێکردووە، بەردەم چاودێری ئەو شوێنانە دەکەین و چەند پارکینگێکیشمان سزاداوە. 

 

- لە داهاتوودا پلانێک هەیە سیستمێکی پێشکەوتووی وەستاندنی ئۆتۆمبێل لە شەقام و شوێنە گشتییەکانی هەولێر دابنرێت، بۆ ئەوەی چیتر بە هەڕەمەکی پارە لەسەر شۆفێران زیاد نەکرێت.