سەرکردەیەکی حەشدی شەعبی پاڵپشتی لە ئەحمەد شەرع دەکات

ئاڤا نیوز

سەرکردەیەکی دیاری حەشدی شەعبی پەیامێک ئاراستەی ئەو کەسانە دەکات کە ڕەخنە لەسەردانەکەی سەرۆکی سووریا بۆ عێراق  دەگرن، دەڵێت "بەشێکتان لەو تاوانبار و  دزترن".

چیرۆکی سەرەکی: دوای ئەوەی محەممەد شیاع سوودانی، سەرۆکوەزیرانی عێراق لە نۆیەمین دیداری سلێمانی ڕایگەیاند، ئەحمەد شەرع، سەرۆککۆماری سووریای بۆ لووتکەی وڵاتانی عەرەبی بانگهێشت کردووە، کاردانەوەی بەشێک لە لایەنەکانی شیعەی لێکەوتەوە، بۆ ڕێگریکردن لەو سەردانە واژۆی 58 پەرلەمانتار کۆکراوەتەوە.

لێدوانی فەرمی: حەمید یاسری، فەرماندەی لیوای لایەنگرانی مەرجەعییەت ڕایگەیاند: سیاسەتمەدارانی عێراق هێڵی سووریان بەرامبەر بە هیچ کەسێک نییە و بەرژەوەندیی تایبەتی خۆیان لەسەرووی هەموو بەرژەوەندییە گشتییەکانەوەیە. دەشڵیت، بەشێک لەو کەسانەی ڕەخنە لە ئەحمەد شەرع دەگرن، خۆیان زۆر لەو تاوانبار و دزترن.

ئەوەی پیویستە بیزانیت: لیوای لایەنگرانی مەرجەعییەت، گرووپێکی ئیسلامی شیعە مەزهەبە و لایەنێکی سەرەکی حەشدی شەعبی پێکدەهێنێت، لە تەمموزی ساڵی 2017 داوای لە حەیدەر عەبادی سەرۆکوەزیرانی ئەوکاتە کرد ڕێگایان پێبدات بچنە سووریا و ڕووبەڕووی چەکدارانی داعش ببنەوە.