ڤلادیمێر پووتین ئاگربەستی کاتی و گشتگیر لەگەڵ ئۆکراینا ڕادەگەیەنێت

ئاڤا نیوز
 

سەرۆکی ڕووسیا بە فەرمانێکی فەرمی ئاگربەستێکی کاتی بە سوپای وڵاتەکەی ڕادەگەیەنێت و سوپاسی کۆریای باکوور دەکات.

 

وێنە گەورەکە: دوای داواکاری دۆناڵد ترەمپ، سەرۆکی ئەمریکا بۆ پیشاندانی ویستی ڕاستەقینە بۆ گەیشتن بە ئاشتی لە نێوان ئۆکراینا و ڕووسیا، ڤلادیمێر پووتین، سەرۆکی ڕووسیا بۆ جاری دووەم دوای داواکارییەکەی ترەمپ ئاگربەستی کاتی بۆ ماوەی سێ ڕۆژ لەگەڵ ئۆکراینا ڕاگەیاند.

لێدوانی فەرمی: ڤلادیمێر پووتین، سەرۆکی ڕووسیا ئەمڕۆ دووشەممە لە وتارێکی ڕاستەوخۆدا ڕایگەیاند، لە یادی سەرکەوتنی سوپای سوری ڕووسی بەسەر سوپای نازیدا ئاگربەستێکی کاتی لەگەڵ ئۆکراینا ڕادەگەینن و بۆ ماوەی سێ ڕۆژ بەردەوام دەبێت، ئاگربەستەکە لە ڕۆژانی 8 بۆ  10ی مانگی 5 دەبێت و ئاگربەستێکی گشتگیر دەبێت و هیچ هێرشێک ئەنجام نادرێت.

 

زانیاریی زیاتر: ڤلادیمێر پووتین، سەرۆکی ڕووسیا لە درێژەی وتارەکەیدا بۆ یەکەمجار سوپاسی کۆریای باکووری کرد و ڕۆڵی سەربازەکانی لە دووبارە گرتنەوەی هەرێمی کورسک بەرز نرخاند و ئامادەیی ڕووسیای بۆ هەموو جۆرە هاوکارییەک بۆ کۆریای باکوور دەربڕی.

 

ئەوەی پێویستە بیزانیت: ڕاگەیاندنی ئاگربەست لە لایەن ڤلادیمێر پووتین، سەرۆکی ڕووسیاوە هاوکات بوو لەگەڵ هێرشیکی ئاسمانی ئۆکراینا بۆ سەر خاکی ڕووسیا، هەروەها وەزارەتی بەگری ڕووسیا خستنەخوارەوەی 119 درۆنی ئۆکراینی ڕاگەیاند.