فشارەکانی سەر ڕووسیا زیاد دەکرێن

ئاڤا نیوز

 

ڕاگرتنی شەڕی نێوان ڕووسیا و ئۆکراینا پرسی سەرەکی وڵاتە زلهێزەکانە، بەتایبەت هاوپەیمانانی ڕۆژئاوا کە دەیانەوێت ئەم جەنگە ڕابگرن، لە بەرامبەر ئەمەشدا، سەرۆکی فەرەنسا جەخت لە زیادکردنی فشارەکان بۆ سەر ڕووسیا دەکاتەوە.

وێنە گەورەکە: فەرەنسا وەک هاوپەیمانی ئۆکراینا خواستی خۆی دووپات دەکاتەوە کە دەیەوێت جەنگی سێ ساڵەی نێوان ڕووسیا و ئۆکراینا بوەستنێت سەڕەڕای پەرەسەندی هێرشەکانی نێوانیان ، دوای دیدارەکەی نێوان سەرۆکی فەرەنسا و ئەمریکا لە ڤاتیکان لە پرسەی پاپا فرانیسیسدا، هەردوولا بوچوونی هاوبەشیان بۆ ئەم پرسە خستەڕوو داوای زیادکردنی فشارەکان بۆ سەر ڕووسیا دەکەن.

 

لێدوانی فەرمی: ئیمانوێڵ ماکرۆن، سەرۆکی فەرەنسا لە چاوپێکەوتنێکدا ڕایگەیاند، هاوپەیمانی ڕۆژئاوا لە ماوەی کەمتر لە 10 ڕۆژی  داهاتوو فشارەکانیان بۆ ڕووسیا لەبارەی پرسی ئۆکرانیا فراوانتر دەکەن، دەبێت لەگەڵ ئەمریکا هەڵوێستەکانمان توندتر بکەین.

 

- ماکرۆن لە درێژەی قسەکانیدا وتی، دەبێت شاندێكی ئەمریکی بە زووترین کات سه‌ردانی کێیڤ بكات بۆ ئەوەی هەلومەرجێک بۆ ئاگربەستەکە بڕەخسینێت.

 

زانیاریی زیاتر: ڤلادیمێر پووتین، سەرۆکی ڕووسیا ئاگربەستێکی کاتی لەگەڵ ئۆکراینا ڕاگەیاند بۆ ماوەی سێ ڕۆژ بەردەوام دەبێت، ئاگربەستەکە لە ڕۆژانی 8 بۆ  10ی مانگی 5 دەبێت و ئاگربەستێکی گشتگیر دەبێت و هیچ هێرشێک ئەنجام نادرێت.