لە ماوەی مانگێک دا 122 بەندکراو لە ئێران لە سێدارەدراون

ئاڤا نیوز

 

بەپێی ڕاپۆرتێکی ڕێکخراوی هەنگاو بۆ مافەکانی مرۆڤ، تەنیا لە مانگی نیسان دا 122 بەندکراو لە ئێران لەسێدارەدراون، لەو ژمارەیەش 14ـیان کوردن. 

 

وێنە گەورەکە: تادێت ڕێژەی لەسێدارەدران لە ئێران بەرزدەبێتەوە، بەگوێرەی ڕاپۆرتی ڕێکخراوی هەنگاو، لە مانگی نیسانی 2025 دا ڕێژەی لەسێدارەدان بەراورد بە مانگەکانی دیکە، 50٪ زیادی کردووە. 

 

ژمارەکان وا دەڵێن: بەپێی هەمان ڕاپۆرت لە نیسانی ساڵی ڕابردوو، 77 کەس لەسێدارەدراون، بەڵام نیسانی ئەمساڵ لانیکەم 122 کەس لەسێدارەدراون. 

 

زانیاریی زیاتر: لەو 122کەسە تەنیا ناسنامەی چواریان ئاشکراکراوە، ئەوانی دیکە ناسنامەیان بەشاراوەیی ماوەتەوە. 

 

ئەمەش بزانە: زانراوە، لەو ژمارەیەی لەسێدارەدراون 14کەسیان بە ڕەچەڵەک کوردن. هاوکات 4یان لە ڕەگەزی ئافرەتن. حەوت لەو لەسێدارەدراوانە ڕێگەیان پێنەدراوە بۆ دوایین جار خێزانەکانییان ببینن.