چوارچێوەی هەماهەنگی: میوانداریی لووتکەی عەرەبی پێگەی عێراق بەهێزتر دەکات

ئاڤا نیوز

هاوپەیمانیی چوارچێوەی هەماهەنگی جەخت لەسەر گرنگیی میوانداریکردنی لووتکەی وڵاتانی عەرەبی لە بە‌غدا دەکاتەوە و پێی وایە بەو هۆیەوە پێگە و ڕۆڵی عێراق لە ناوچەکەدا بەهێزتر و باشتر دەکات.

وێنە گەورەکە: ئێوارەی ڕۆژی دووشەممە، سەرکردەکانی هاوپەیمانیی چوارچێوەی هەماهەنگی بە ئامادەبوونی سەرۆکوەزیران کۆبوونەوەی ئاسایی خۆیان ئەنجامدا، دوایین پێشهاتە سیاسی، ئابووری و ئەمنییەکانیان لە عێراق و ناوچەکە تاوتوێ کرد.

ڕاگەیێنراوی فەرمی: چوارچێوەی هەماهەنگی لە ڕاگەیێنراوێکدا ڕایگەیاند: لە کۆبوونەوەکەدا تاوتوێی ئامادەکارییەکانی حکومەت بۆ لووتکەی عەرەبی کرا کە بڕیارە لە ناوەڕاستی ئەم مانگە لە بەغدا بەڕێوەبچێت، میوانداریکردنی لووتکەکە دەبێتە هۆی باشترکردنی پێگە و ڕۆڵی عێراق لە ناوچەکەدا.

لەلایەکی دیکەوە: چوارچێوەی هەماهەنگی جەختی لەسەر پێویستی پابەندبوون بە ئەنجامدانی هەڵبژاردن لە وادەی دیاریکراودا کردەوە.

ئەوەی پێویستە بیزانیت: لە 17ـی ئەم مانگە، عێراق میوانداری کۆبوونەوەی لووتکەی عەرەبی لەبەغدا دەکات.