لە کەرکووک 207 کەس بەهۆی خۆڵبارینەوە سەردانی نەخۆشخانەکانیان کردووە

ئاڤا نیوز

 

شەپۆلێکی چڕی خۆڵبارین زۆربەی هەرێمی کوردستان و پارێزگاکانی عێراقی گرتووەتەوە، تەنیا لە کەرکووک بەهۆی کاریگەرییەکەیەوە تا ئێستا زیاتر لە 200 کەس گەیێنراونەتە نەخۆشخانەکان.

 

وێنە گەورەکە: عێراق یه‌كێكه‌ له‌و وڵاتانه‌ی کە زۆرترین زیانی گۆڕانکاریی کەشوهەوای بەرکەوتووە، بەو هۆیەشەوە ساڵانە خۆڵبارینی چڕ ڕوو لە زۆربه‌ی پارێزگاکانی ناوەڕاست و باشوور دەکات، کاریگەرییەکەی زیاتر لەسەر پارێزگاکانی ناوەڕاست و خوارووی عێراق دەبێت.

 

لێدوانی فەرمی: سامان یابە، گوتەبێژی تەندروستیی کەرکووک بە ئاڤای گوت، "بەگوێرەی دوایین ئاماری بەردەست 207  کەس بەهۆی کاریگەری ئەم شەپۆلە تەندروستیان تێکچووە و گەیێنراونەتە نەخۆشخانەکانی کەرکووک و دوای وەرگرتنی چارەسەر ڕەوانەی ماڵەوە کراونەتەوە."

 

ژمارەکان وادەڵێن: دوایین ئاماری سەردانیکەرانی نەخۆشخانەکان بەهۆی خۆڵبارین لە پارێزگاکانی هەرێمی کوردستان بەمشێوەیە:-

هەولێر: 12 کەس.
سلێمانی: 10 کەس.
هەڵەبجە: 14 کەس.

 

ئەمەش بزانە: لە دهۆک کاریگەرییەکەی کەم بووە و هیچ کەسێک بەهۆی کاریگەری خۆڵبارینەوە نەگەیێنراوەتە نەخۆشخانە.