پاپای نوێ دوو هەفتەی دیکە دەستبەکاردەبێت

ئاڤا نیوز

دوای هەڵبژاردنی وەک پاپای نوێ، پاپا لیۆی چواردەیەم لە 18ـی ئەم مانگە بە فەرمی وەک پاپا دادەنرێت، یەکەم مەراسیمی سوێندخواردنی وەک پاپا لە گۆڕەپانی سانت پیتەر ڕێکدەخرێت و لەسەر ئاستی جیهان سەرکردەی وڵاتان بەشداری تێدا دەکەن.

چیرۆکی سەرەکی: پاپا لیۆی چواردەیەم بەیانی ئەمڕۆ هەینی یەکەم مەراسیمی پاپایەتی خۆی لە کەنیسە سیستین ئەنجامدا، بەڵام لەم مەراسیمەدا خەڵک بەشدارییان نەکرد و تەنیا 132 کاردیناڵ تیایدا بەشداربوون.

زانیاریی بەدەستهاتوو: کاتژمێر 10ـی بەیانی بە کاتی ڤاتیکان لە ڕۆژی یەکشەممە 18ـی مانگی پێنج، مەراسیمێکی تایبەت لە ڤاتیکان بەڕێوەدەچێت بۆ دەستبەکاربوونی پاپا لیۆ و لە ڕۆژی چوارشەممە 21ـی مانگی پێنج، پاپای نوێ قسە بۆ پەیڕەوانی مەسیحی کاسۆلیکی دەکات.

ئەوەی پێویستە بیزانیت: پاپا لیۆی چواردەیەم داوای لە هەموو سەرۆک و ئەندامانی دامەزراوەکانی ڤاتیکان کردووە لە کارەکانیان بمێننەوە کە بەپێی یاسایی ڤاتیکان دوای کۆچکردنی پاپا فرانسیس دەبوو پۆستەکانیان بەجێبهێڵن.