حکومەتی ئێران: پووتین سەردانی تاران دەکات

ئاڤا نیوز

لەنوێترین هەوڵی پەیوەندی دوو قۆڵی نێوان تاران و مۆسکۆ، وتەبێژی حکومەتی ئێران ئاشکرای دەکات، پووتین سەردانی ئێران دەکات.

زانیاریی بەدەستهاتوو: فاتیمە مهاجرانی، وتەبێژی حکومەتی ئێران ڕایگەیاند،'' تاران چاوەڕوانی سەردانی ڤلادیمێر پووتین، سەرۆکی ڕووسیایە بۆ ئێران و ئامادەکاریی بۆ ئەم سەردانە دەکەین''

ئەمەش بزانە: ئەمە لەکاتێکدایە، مانگی ڕابردوو عەباس عێراقچی، وەزیری دەرەوەی ئێران ئاماژەی بە سەردانی پووتین لەم ساڵەدا بۆ وڵاتەکەی کرد.

زانیاریی زیاتر: کۆشکی کرێملین تا ئێستا پلانی سەردانەکەی پووتینی بۆ ئێران ئاشکرا نەکردووە، ئێرانیش وردەکاریی سەردانەکەی نەخستووەتەڕوو.

لەلایەکی دیکەوە: لەبارەی کۆبوونەوەکانی ئێران و ئەمریکا کە دوێنی گەڕی چوارەمی دانووستانەکانیان ئەنجامدا، مهاجرانی وتی، '' هیچ دژایەتییەک بۆ وەبەرهێنانی ئەمریکی لە وڵاتەکەماندا نییە ''ئەگەر دانووستانەکان ببێتە هۆی ڕێککەوتن و سزاکان هەڵبگیرێن، ئەمریکا دەتوانێت بە تەواوی سوود لە توانای ئابووری ئێران وەربگرێت، ئێمەش ئامادەین هەماهەنگی بکەین".