فوئاد حوسێن: هەرێمی کوردستان هاوکاری چەکدانانی پەکەکە دەکات

ئاڤا نیوز

وەزیری دەرەوەی عێراق دووپاتی دەکاتەوە هاوکاری لە نێوان بەغداد و ئەنقەرە دەبێت بۆ مامەڵەکردن لەگەڵ بڕیارەکەی پارتی کرێکارانی کوردستان (پەکەکە).

وێنە گەورەکە: ڕۆژی دووشەممە 2025-05-12، پەکەکە بڕیارەکانی کۆنگرەی 12ـی خۆی کە لە 5 تا 7ـی ئەم مانگە لە دووشوێنی جیاواز بەستبووی، بڵاوکردەوە. بڕیاری کۆنگرەکە چەکدانان و خۆهەڵوەشاندنەوەی پەکەکەی دا.

لێدوانی ڕۆژنامەوانی: فوئاد حوسێن، وەزیری دەرەوەی عێراق ڕایگەیاند: دڵخۆشین بە بڕیاری چەکدانان لەلایەن (پەکەکە)، سەبارەت بە پرۆسەی چەکدانان و چۆنیەتی بەڕێوەچوونی پرۆسەکە بە قووڵی لەگەڵ تورکیا گفتوگۆمان کردووە، هەندێک بیرۆکەی دیاریکراو هەن لەپێناو هەبوونی هاوکاری و هەماهەنگی لەنێوان هەر سێ حکومەتی بەغدا و ئەنقەرە و هەرێمی کوردستان، هاوکاریی لەنێوان ئەم سێ لایەنە دەبێت لەبارەی مامەڵە کردن لەمەر ئەم بڕیارەوە و هیوادارین بڕیارەکە هەنگاوێک بێت بۆ گەیشتن بە ئاشتی و سەلامەتی لە تورکیا و ناوچەکە.