کۆبوونەوەی نهێنی قائانی و چوارچێوەیی هەماهەنگی ئاشکرا دەبێت

ئاڤا نیوز

لەچوارچێوەی سەردانەکەی بۆ عێراق، فه‌رمانده‌ی فه‌یله‌قی قودسی سوپای پاسدارانی ئێران بە نهێنی لەگەڵ چەند سەرکردەیەکی چوارچێوەی هەماهەنگی کۆبووەتەوە و پەیامی تارانی پێگەیاندووە.

 

چیرۆکی سەرەکی: ئیسماعیل قائانی، فه‌رمانده‌ی فه‌یله‌قی قودسی سوپای پاسدارانی ئێران ڕۆژی 14-5-2025 بە سەردانێکی ئاشکرا گەیشتە بەغدا و لەگەڵ قاسم ئەعرەجی، ڕاوێژکاری ئاسایشی نیشتمانی عێراق کۆبووەوە.

 

زانیاریی بەدەستهاتوو: بەگوێرەی میدیا عێراقییەکان، قائانی لەگەڵ هەریەکە لە نووری مالیکی، سەرۆکی هاوپەیمانی دەوڵەتی یاسا و هادی عامری سکرتێری گشتیی ڕێکخراوی بەدر کۆبووەتەوە و بارودۆخی سووریا و میکانیزمی مامەڵەکردنی لەگەڵ حکومەتەکەی شەرع تاوتوێ کردووە،  بەجۆرێک هاوسەنگی و ئارامی لە ناوچەکەدا بپارێزێت. 

 

لەلایەکی دیکەوە: سەرچاوەیەکی ئاگادار ئاشکرای کرد، قائانی داوای نێوەندگیری عێراق بۆ وەرگرتنەوەی قەرزەکانی وڵاتەکەی لەسووریا دەکات.

ئەمەش بزانە: هەر بەپێی ئەو سەرچاوەیە، بڕیارە ئێوارەی ئەمڕۆ هەینی 16-5-2025 پێش بەستنی کارەکانی لووتکەی وڵاتانی عەرەبی، قائانی لەگەڵ سەرجەم سەرکردەکانی چوارچێوەی هەماهەنگی کۆببێتەوە.