ئۆکراینا: ڕووسیا هێرشێکی بەرفراوانی ئەنجامداوە

ئاڤا نیوز

 

سەڕەرای دەستپێکردنی دانوستانەکانی نێوان مۆسکۆ و کێیڤ، کاربەدەستانی ئۆکراینا ئاشکرای دەکات، ڕووسیا لە ماوەی شەوێکدا ژمارەیەکی پێوانەیی هێرشی فڕۆکەی بێفڕۆکەوانی ئەنجامداوە.

 

چی ڕوودەدات: ڕووسیا لە ماوەی شەوێکدا ژمارەیەکی پێوانەیی هێرشی فڕۆکەی بێفڕۆکەوانی بۆ سەر ناوچە جیاجیاکانی ئۆکراینا ئەنجامداوە، لەوانە ناوچەی کیێڤی پایتەختی وڵاتەکە، بەرپرسانی ئۆکرایناش لەبارەی هێرشەکانی ڕووسیا دەڵێن، مۆسکۆ ئامانجێکی ڕوونی هەیە ئەویش بەردەوامیدانە بە کوشتنی هاووڵاتییانی مەدەنی.

ڕاگەیێنراوی فەرمی: هێزی ئاسمانی ئۆکراینا ڕایگەیاند، ڕووسیا 273 فڕۆکەی بێفڕۆکەوانی جیاوازی ئەنجام داوە، لەو ژمارەیەش 88 فڕۆکەی بێفڕۆکەوان لەناوچوون و 128 فڕۆکەی دیکەش بەبێ لێکەوتەی نەرێنی تێکشکێنران.

زانیاریی زیاتر: ئەمە لە کاتێکدایە، دوو ڕۆژ لەمەوبەر  یەکەم دانوستانی ئاشتی ڕاستەوخۆی شاندی ڕووسیا و ئۆکراینا لە ئیستەنبووڵ بەڕێوەچوو، بەڵام هێشتا هێرشەکانی ڕووسیا بۆ سەر ناوچە جیاوازەکانی ئۆکراینییە بەردەوامن.