تورکیا و ئەمەریکا دۆخی سووریا تاوتوێ دەکەن

ئاڤا نیوز

ڕۆژی سێشەممە هەریەک لە وڵاتانی ئەمریکا، تورکیا گرووپێکی کاری هاوبەش لە واشنتن پێکدێنن، لەو کۆبوونەوەیەدا قسە لەسەر بوونیدانانی سەقامگیری و ئاسایشی  سووریا بە تایبەت "بەرەنگاربوونەوەی تیرۆر" لە سووریا دەکەن.

بۆچی گرنگە: ئەو کۆبوونەوەیە ڕاستەوخۆ دوای دەستپێکردنی پەیوەندی ڕاستەوخۆی نێوان ئەمریکا و سووریا لەسەر ئاستی سەرکردایەتییە، ئەمەش دوای ئەوەی دۆناڵد ترەمپ، سەرۆکی ئەمریکا بڕیاریدا سزاکانی سەر سووریا هەڵبگرێت.

چیڕۆکی سەرەکی: کۆبوونەوەکە بە شێوەی نێوان دامەزراوەکان بەسەرۆکایەتی نوح یڵماز، جێگری وەزیری دەرەوەی تورکیا و کریستوفر لانداو هاوتا ئەمریکییەکەی بەڕێوەدەچێت، هەردوولا باس لەکاری هاوبەش دەکەن بۆ جێگرکردنی ئاسایش و سەقامگیری لە سووریا. 

 

زانیاریی زیاتر: بڕیارە وایە هەر لەو کۆبوونەوەیەدا پرسی بەرەنگاربوونەوەی داعش و گرووپە تیرۆریستییەکان لە خاکی سووریا تاوتوێ بکرێت، هەروەها هەوڵەکانی تورکیاش بۆ دەستبەرکردنی ئاوەدانی لە سووریا تاوتوێ دەکرێت.