لەڕێگەی دووکان بەهۆی ڕووداوێکی هاتووچۆ حەوت قوتابی بریندار دەبن

ئاڤا نیوز

لەڕووداوێکی هاتووچۆدا لەنزیک گوندی سێکانیان لەنێوان پاسێک و بارهەڵگرێکدا ژمارەیەک قوتابی پەیمانگەی تەکنکی دووکان کە خەلکی ڕانیەن، برینداربوون.

لێدوانی فەرمی: مەڵبەند حەمەد: بەرێوبەری مەڵبەندی تەندروستی خەلەکان بە ئاڤامیدیای ڕاگەیاند، نزیک کاتژمێر 6:00ی ئێوارەی ئەمڕۆ حەوت بریندار هێندراونەتە مەڵبەندی تەندروستی خەلەکان کە ئاسەواری برینی بچووک بەسەر جەستەیانەوە بوو و ئێستا چارەسەری پێوستیان بۆ دەکرێت و باری تەندروستی سەرجەمیان جێگیرە و هیچ کەسێک گیانی لەدەست نەداوە.

بریندارەکان ژمارەیەک کچ و کوڕن و خەڵکی ڕانیەن و قوتابین لە پەیمانگەی تەنەکنیکی دووکان، لەکاتی گەرانەوەیان بۆ ڕانیە پاسەکەیان لەگەڵ بارهەڵگرێکدا خۆیان بەیەکدا کێشاوە.

ئەوەی پێویستە بیزانیت: لەماوەی 24 کاتژمێری ڕابردوودا ئەمە سێیەمین ڕووداوی هاتووچۆیە لەنێوان دووکان ڕانیە، بەو هۆیەوە تائێستا 15 هاونیشتمانی برینداربوون.