لە 40%ی کارەکانی پڕۆژەی ئاوی قوشتەپە تەواو بووە

ئاڤا نیوز

کارکردن لە پرۆژەی ستراتیژی و گرنگى ئاوی قوشتەپە و گوندەكانی دەورووبەری لە سنووری پارێزگەی هەولێر بەردەوامە و بەشێکی زۆری پڕۆژەکە تەواو بووە.

 

وێنە گەورەکە: پرۆژەی ئاوی قوشتەپە و دەورووبەری، یەكێكە لە پرۆژە گەورە و ستراتیژییەكانى شارى هەولێر، سەرچاوەی ئاوەكەی لە زێی بچووك لە سنووری گوندی قەشقە دابین دەكرێت، لە ڕۆژێكدا 72 هەزار مەتر سێجا ئاو بۆ ناوەندی قەزای قوشتەپە و شارەدێی بێستانە و 72 گوند دابین دەكات، بە تەواوبوونی پڕۆژەكە زیاتر 61 هەزار هاونیشتمانیی دەڤەرەكە سوودمەند دەبن.

 

لێدوانی فەرمی: ئومێد خۆشناو، پارێزگاری هەولێر لە کۆنگرەیەکی ڕۆژنامەوانیدا ڕایگەیاند، "پڕۆژەی ئاوی قوشتەپە پێش وادەی خۆی و ئێستا 40٪ـی کارەکانی تەواو بووە، تا کۆتایی ئەمساڵیش بەتەواوەتی پڕۆژەکە ئامادە دەبێت."

 

باکگراوند: لە ڕێککەوتی 2024.9.17، سەرۆکوەزیران مەسرور بارزانی، بەردی بناغەی پڕۆژەی ئاوی قوشتەپەی بە گوژمەی  189 ملیار و 670 ملیۆن دینار دانا، پرۆژەکە سێ کۆگای بە قەبارەی پێنج هەزار مەتر سێجای هەیە.