ڕووسیا: هەفتەی داهاتوو ڕەشنووسی ئاشتی دەدەینە ئۆکراینا

ئاڤا نیوز

ڕووسیا ڕەشنووسی مەرجەکانی بۆ دانوستان لەگەڵ ئۆکراینا ئامادەکردووە و سوپاسی تورکیا دەکەن کە میوانداری دانوستانەکانیان کردووە.

وێنە گەورەکە: گەڕی یەکەمی دانوستانەکانی ڕووسیا و ئۆکراینا لە 16ـی مانگی پێنج لە ئیستەنبووڵ ئەنجامدرا و هەردوولا ڕێککەوتن لەسەر ئاڵوگۆڕکردنی ڕەشنووسی مەرجەکانیان بۆ کۆتاییهێنان بە شەڕ.

لێدوانی فەرمی: سێرگی لاڤرۆڤ، وەزیری دەرەوەی ڕووسیا ڕایگەیاند، شاندی ڕووسیا ئامادەیە ڕەشنووسی یاداشتی ئاشتی کە مەرجەکانی ڕووسیای بۆ کۆتاییهێنان بە شەڕی ئۆکراینا تێدایە، لە گەڕی دووەمی دانوستانەکان لە ڕۆژی دووشەممەی داهاتوو بخاتەڕوو.

زانیاریی زیاتر: لاڤرۆڤ سوپاسی تورکیا دەکات کە بووەتە خانەخوێی دانوستانەکانیان لەگەڵ ئۆکراینا.

ئەمەش بزانە: ڕۆژی چوارشەممە کۆشکی کرێملن بانگهێشتی سەرۆکی ئۆکراینای بۆ ئەنجامدانی کۆبوونەوەی لوتکەی سێ لایەنە لەگەڵ ترەمپ و پوتین ڕەتکردەوە و ڕایگەیاند، ئەگەر ڕێککەوتنی تۆکمە نەکرێت، کۆبوونەوەیەکی لەو شێوەیە ئەنجام نادرێت.