حەماس بە پێشنیازەکەی ئەمریکا بۆ ئاگربەست ڕازی نییە

ئاڤا نیوز

حەماس ڕایگەیاند، ڕەزامەندیی لەسەر پێشنیازەکەی ئەمریکا بۆ ئاگربەست دەرنەبڕیوە.

 

چیرۆکی سەرەکی: پێشنیازەکەی ئەمریکا لەلایەن ستیڤ ویتکۆف، نێردەی تایبەتی سەرۆکی ئەمریکا بۆ ڕۆژهەڵاتی ناوەڕاست پێشکەش کرا بوو و ئیسرائیل پێی ڕازی بووبوو.

 

زانیاریی زیاتر: بە گوێرەی پێشنیازەکە ئاگربەستێکی 60 ڕۆژە لە بەرامبەر ئازادکردنی 10 بارمتەی زیندووی ئیسرائیل دێتە ئاراوە.

 

لەلایەکی دیکەوە: هۆکاری ناڕەزایی حەماس بۆ ئەوە دەگەڕێتەوە کە لە پێشنیازەکەدا هیچ ئاماژەیەک بە ڕاگرتنی هەمیشەیی شەڕ نەکراوە و حەماس ترسی ئەوەی هەیە دوای 60 ڕۆژەکە، ئیسرائیل جارێکی دیکە هێرشەکانی دەستپێبکاتەوە وەک چۆن پێشتریش وای کرد.