نەتەوە یەکگرتووەکان: تەواوی خەڵکی غەززە لەبەردەم برسییەتیدان

ئاڤا نیوز
  

 

نەتەوە یەکگرتووەکان ڕایدەگەیێنێت: غەززە تەنیا شوێنە لە سەر تەواوی گۆی زەوی کە تەواو دانیشتووانەکەی ڕووبەڕووی مەترسیی قاتوقڕی بوونەتەوە.

 

چیرۆکی سەرەکی: بە هۆی گەمارۆی تووندی ئیسرائیل لە سەر کەرتی غەززە کە ڕێگە بە چوونە ناوەوەی هیچ جۆرە خۆراک، دەرمان و یارمەتییەکی مرۆیی نادات، قەیرانێکی مرۆیی قووڵ لە کەرتەکە درووست بووە و تا ئێستاش چەندین کەس، کە زۆربەیان منداڵن، لە برسا مردوون. ئەمە سەرەڕای ئەوەی کە ئیسرائیل لە هێرشەکانی بەردەوامە و تا ئێستا زیاتر لە 54 هەزار فەلەستینی لە کەرتی غەززە کوشتوون.

 

لێدوانی فەرمی: یێنس لایرک، گوتەبێژی ئاژانسی مرۆیی ئۆکای سەر بە نەتەوە یەکگرتووەکان، ڕایگەیاند 100٪ـی دانیشتوانی کەرتی غەززە لەبەردەم هەڕەشەی قاتوقڕیی تەواوەتیدان و لە سەر تەواوی گۆی زەوی لە ناو وڵاتان، شوێنان یان ناوچەی ناو سنووری وڵاتێک ئەم مەترسییەی لەسەر بێت.