ئیسرائیل کوژرانی سێ سەربازی لە غەززە ڕاگەیاند

ئاڤا نیوز

 

سوپای ئیسرائیل ڕایگەیاند، سێ سەربازیان لە باکووری غەززە لە کاتی ئەرکدا کوژراون و دوو سەربازی دیکەش بە سەختی برینداربوون.

 

وێنە گەورەکە: ڕۆژی سێشەممە 3-6-2025، سوپای ئیسرائیل کوژرانی سێ سەربازی خۆی لە کاتی ئەرکدا ڕاگەیاند. بەمشێوەیە ژمارەی سەربازە کوژراوەکانی لە سەرەتای دەستپێکردنی  شەڕی غەززە لە 7ـی ئۆکتۆبەری 2023، گەیشتە 424 سەرباز.

 

ڕاگەیێنراوی فەرمی: سوپای ئیسرائیل لەبارەی کوژرانی سێ سەربازەکەی ڕایگەیاند: ئەو سێ سەربازە لە کاتی ئەرکێکدا لە ناوچەی جەبالییا لە باکووری غەززە لەنێو ئۆتۆمبێلە سەربازییەکەیان لە کاتی تەقینەوەی بۆمبێک گیانیان لەدەستداوە. 

 

لەلایەکی دیکەوە: سەرچاوە پزیشکییەکانی کەرتی غەززە ڕایانگەیاند، لە ماوەی 24 کاتژمێری ڕابردوودا، بەهۆی بۆردوومانە بەردەوامەکانی ئیسرائیل بۆ سەر کەرتی غەززە 50 کەس کوژراون، بەمەش ژمارەی کوژراوان لە کەرتەکە بۆ 54 هەزار و 470 کەس بەرزبووەوە.