هاووڵاتییەکی چین بە تۆمەتی بڵاوکردنەوەی نەخۆشی لە ئەمریکا دەستگیردەکرێت

ئاڤا نیوز

 

دەزگای لێکۆڵینەوەی فیدڕاڵیی ئەمریکا (FBI) هاووڵاتییەکی چینیان لە ناو خاکی ئەمریکا بە تۆمەتی هێنانی "ماددەیەکی نەخۆشیی بایۆلۆژی مەترسیدار بە قاچاخ بۆ ناو ئەمریکا" دەستگیرکردووە.

 

لێدوانی فەرمی: کاش پەتل، بەڕێوەبەری دەزگای لێکۆڵینەوەی فیدڕاڵی ئەمریکا FBI ڕایگەیاند، هاووڵاتییەکی چینیان بە ناوی یونچینگ جیان دەستگیرکردووە کە قارچێکی مەترسیداری بە قاچاغ هێناوەتە ئەمریکا بۆ ئەوەی لە زانکۆی میشیگان لێکۆڵینەوەی لەسەر بکات.

- تۆمەتبارەکە لایەنگری حیزبی شیوعی چینە و بۆ ئەم کارە و هاوشێوەکانی پارەی لە حکومەتی چین وەرگرتووە.

 

زانیاریی زیاتر: ئەم قارچکە نەخۆشییەک بڵاودەکاتەوە کە تووشی گەنم و جۆ، گەنمەشانی و برنج دەبێت، کە ساڵانە بە ملیاران دۆلار زیانی ئابووری بە هەموو جیهان دەگەیەنێت و سەرباری ئەوەش گرفتی تەندروستی بۆ مرۆڤ و ئاژەڵیش دروست دەکات، بەهۆیەوە مرۆڤ تووشی سکچوون، تا، سەرئێشە و ڕشانەوە دەکات.