یەکەم منداڵ لەسەر کێوی عەرەفات لەدایکبوو

ئاڤا نیوز

ئەمڕۆ لەسەر کێوی عەرەفات و لەکاتی بەجێگەیاندنی یەکێک لە فەریزەکانی حەج، ژنێکی وڵاتی تۆگۆی ئەفریقیا کۆرپەلەکەی لەدایک دەبێت، ئەم کۆرپەلەیە بە بچکووترین حاجی لە مێژووی ڕێوڕەسمی حەج دادەنرێت.

چیرۆکی سەرەکی: لە ڕووداوێکی دەگمەن و تایبەت کە هاوکات بوو لەگەڵ ڕاوەستانی حاجییان لەسەر چیای عەرەفات وەک یەکێک لەفەریزەکانی حەج، حاجی ژنێکی خەڵکی وڵاتی تۆگۆ کە دووگیان بوو لەنەخۆشخانەی جەبەل ڕەحمە کۆرپەلەیەکی دەبێت، ئەم کۆرپەلەیە بە بچکووترین حاجی لە مێژووی ڕێوڕەسمی حەج دادەنرێت.

کاریگەری و لێکەوتەکانی: لەدایکبوونی ئەم حاجییە بچکۆلەیە لە شوێنێکی واپیرۆز و ڕۆژێکی تایبەت بووەتە باسی میدیا عەرەبییەکان، چونکە عەرەفات  کە دەکەوێتە ڕۆژی نۆی زولحیجە لای موسڵمانان بە ڕۆژێکی گرنگ دادەنرێت، بەتایبەت کاتێک حاجییان لە بەرەبەیانی ئەمڕۆژە بە لێشاو ڕوو لە عەرەفات دەکەن بۆ ئەنجامدانی هەردوو نوێژی نیوەڕۆ و عەسر بەیەکەوە و لە خوای گەورە دەپاڕێنەوە بۆ بەدیهێنانی ئاواتەکانیان.

ئەوەی پیویستە بیزانیت: هەر لە کێوی عەرەفات کە دەکەوێتە نزیك شاری مەککە، ئادەم و حەوا یەکتریان بینیوەتەوە، ناوەکەی لە تعاروفەوە سەرچاوەی گرتووە.