نێردەی ترەمپ لە سووریا: شەرع ژیانی لە مەترسیدایە

ئاڤا نیوز

نێردەی تایبەتی دۆناڵد ترەمپ، سه‌رۆكی ئەمریکا  بۆ کاروباری سووریا ئاشکرای دەکات، ژیانی ئەحمەد شەرع، سەرۆککۆماری سووریا بۆ قۆناغی ڕاگوزەر لە مەترسی تیرۆردایە بەتایبەت لەلایەن گرووپە ناڕەزاییەکان.

لێدوانی فەرمی:  تۆم باراک، نێردەی تایبەتی ترەمپ بۆ کاروباری سووریا هۆشداریدا لەوەی هەوڵەکانی ئەحمەد شەرع بۆ بەرەوپێشبردنی حوکمڕانی گشتگیر و دروستکردنی پەیوەندی لەگەڵ ڕۆژئاوا دەتوانێت ببێتە ئامانجی تیرۆرکردنی لەلایەن ''گرووپە توندڕەوەکان". ئه‌مریکا پێویستی به‌ هه‌ماهه‌نگیی سیستمێكه‌ بۆ پاراستنی ئه‌حمه‌د شه‌رع، سه‌رۆككۆماری نوێی سووریا كه‌ ئه‌مه‌ له‌ به‌رژه‌وه‌ندیی هه‌ردوولادایه‌.

زانیاریی زیاتر: لە چوارچێوەی بەڵینەکەی ترەمپ بۆ سووریا هەموو سزاکانی سەر ئەو وڵاتە لە ماوەیەکی نزیکدا هەڵدەگیرێت، بەرپرسانی کۆشکی سپی بۆ میدیاکانی وڵاتەکەیان ئاشکرایان کردووە، ترەمپ لە چەند ڕۆژی داهاتوودا واژۆ لەسەر بڕیارێکی پەیوەست بە هەڵگرتنی سزاکانی سەر سووریا دەکات، بڕیارەکە هەڵگرتنی هەموو سزا سەرەکییەکان لەخۆ دەگرێت و هەڵگرتنی گشتگیریی سزاکان دەبێت.