بنیامین نەتانیاهۆ: هێرشەکانمان بۆ سەر ئێران زۆر سەرکەوتوو بوون

ئاڤا نیوز

سەرۆکوەزیرانی ئیسرائیل ئەمڕۆ هەینی ڕایگەیاند، شەپۆلێکی هێرشەکانی ئیسرائیل بۆ سەر ئێران "زۆر سەرکەوتوو بووە".

لێدوانی فەرمی: بنیامین نەتانیاهۆ، سەرۆکوەزیرانی ئیسرائیل ئەمڕۆ هەینی ڕایگەیاند، شەپۆلێکی هێرشەکانی ئیسرائیل بۆ سەر ئێران "زۆر سەرکەوتوو بووە".

- نەتانیاهۆ لە پەیامێکی ڤیدیۆیدا ڕایگەیاند، ئێمە هێرشیکی زۆر سەرکەوتوومان ئەنجامدا و بە یارمەتی خودا زۆر زیاتر بەدەست دەهێنین.

- وتیشی کە "ئێمە لە فەرماندەیی باڵامان داوە، زانا باڵاکان کە پەرە بە پەرەپێدانی بۆمبی ئەتۆمی دەدەن و دامەزراوە ئەتۆمییەکان کراونە ئامانج". 

لەلایەکی دیکەوە: لەبەرامبەر ئەو هێرشانەی ئیسرائیل بۆ سەر ئێران، کۆماری ئیسلامی ئێران، ئەمریکا بەوە تۆمەتبار کرد کە بەرپرسیار و ئاگادارە لە هێرشەکانی ڕۆژی هەینی، وەکو کاردانەوەیەکێش 100 درۆنی ئاڕاستەی ئیسرائیل کرد بەڵام سەرجەمیان شکستیان هێنا.