چین هاووڵاتییانی لە ئێران و ئیسرائیلەوە دەگوازێتەوە ناوچە ئارامەکان

ئاڤا نیوز

 

ڕۆژی چوارشەممە، چین ڕایگەیاند؛ لە سەرەتای جەنگی نێوان ئیسرائیل و ئێرانەوە 800 هاووڵاتیی چینی لە ئێران گوازراونەتەوە ناوچەکانی دوور لە شەڕ و گرژییەکان، هاوکات چەندین هاووڵاتیی دیکەشیان لە ئیسرائیل بردووەتەوە دەرەوەی ئەو وڵاتە.

 

وێنە گەورەکە: لە ڕۆژی هەینییەوە 13-06-2025 جەنگی نێوان ئیسرائیل و ئێران دەستیپێکردووە، هەردوولا بە چەندین شێواز ڕووبەڕووی یەکتری بوونەتەوە، وڵاتانیش ڕێکاری جیاوازیان گرتووەتەبەر بۆ پاراستنی هاووڵاتییانیان لەو دوو وڵاتەی جەنگی تێدا بەرپابووە.  

 

ڕاگەیێنراوی فەرمی: گوا جیاکۆن، وتەبێژی وەزارەتی دەرەوەی چین ڕاگەیاند: تاوەکو ئێستا 791 هاووڵاتی چینی لە ئێرانەوە گواستراونەتەوە بۆ ناوچە ئارامەکان لە ناوخۆی ئەو وڵاتە و لە هەوڵیشداین هەزارانی دیکە بگوازینەوە یاخود لەو وڵاتە بیانبەینە دەرەوە، هاوکات چەندین چەندین هاووڵاتی دیکەش لە ئیسرائیلەوە براونەتە دەرەوە. 

 

لەلایەکی دیکەوە: وتەبێژی وەزارەتی دەرەوەی چین: ئەو وڵاتانەی کە کاریگەرییان لەسەر ئیسرائیل هەیە پێویستە بەرپرسیارێتی لە ئەستۆ بگرن، هاوکات پێویستە ڕۆڵێکی ئەرێنی بگێڕن لە هێورکردنەوەی ئەو دۆخەی دروستبووە.