پووتین و هاوتا چینییەکەی هێرشەکانی ئیسرائیل بۆ سەر ئێران ئیدانە دەکەن

ئاڤا نیوز

هەریەکە لە سەرۆکی ڕووسیا و هاوتا چینییەکەی سەبارەت بە پێشهاتەکانی ئێستای ناوچەکە پەیوەندییەکی تەلەفۆنیان ئەنجامدا. و جەختیان کردەوە کە باشترین بژاردە بۆ ئیسرائیل و ئێران گەڕانەوەیە بۆ چارەسەی دیپلۆماسی.

چیرۆکی سەرەکی: ڕۆژی پێنجشەممە 2025-06-19، هەریەکە لە ڤلادیمێر پووتین، سەرۆکی ڕووسیا و شی جین پینگ، سەرۆكی چین لە میانەی پەیوەندییەکی تەلەفۆنیدا ئیدانەی هێرشەکانی ئیسرائیلیان بۆ سەر ئێران کرد و جەختیان لەوە کردەوە، دۆخی ڕۆژهەڵاتی ناوەڕاست بە زەبری هێز چارەسەر ناکرێت.

لێدوانی فەرمی: یوری ئوشاکۆڤ، یاریدەدەری سەرۆککۆماری ڕووسیا سەبارەت بە پەیوەندییە تەلەفۆنیەکە ڕایگەیاند:

٠  شی جین پینگ، سەرۆكی چین بە پووتینی ڕاگەیاند، هەوڵەکانی نێوەندگیری ڕووسیا لە ململانێی نێوان ئێران و ئیسرائیلدا یارمەتیدەر دەبێت بۆ کەمکردنەوەی گرژییەکان.

٠ هەردوو وڵات بە تووندی هێرشەکانی ئیسرائیل بۆ سەر ئێران ئیدانە دەکەن و دەڵێن هێرشەکان پێشێلکردنی یاسا نێودەوڵەتییەکانە.

٠ پووتین، هەوڵەکانی بۆ نێوەندگیریکردن لە شەری ئیسرائیل و ئێران دووپاتکردەوە.

٠ هەردوولا جەختیان کردەوە کە باشترین بژاردە بۆ ئیسرائیل و ئێران گەڕانەوەیە بۆ چارەسەی دیپلۆماسی.