16 ویلایەتی ئەمریکا سکاڵا دژی بایدن تۆماردەکەن

ئاڤا نیوز

لە 16 ویلایەتی ئەمریکا سکاڵای یاسایی لەسەر جۆ بایدن، سەرۆکی ئەمریکا تۆماردەكرێت و داوای هەڵوەشاندنەوەی یاسای قەدەغەکردنی هەناردەکردنی غازی سرووشتی دەکەن.

وێنە گەورەکە: داواکاری گشتی ویلایەتەکانی "لویزیانا، ئەلاباما، ئەلاسکا، ئارکنساس، فلۆریدا، جۆرجیا، کانزاس، میسیسیپی، مۆنتانا، نیبراسکا، ئۆکلاهۆما، کارۆلینای باشوور، تەکساس، یوتا، ڤێرجینیای ڕۆژئاوا و واشنتن" داوای هەڵوەشاندنەوەی ئەو یاسایەن دەکەن، کە هاوردەکردنی غازی شل لە ئەمریکا بە فەرمانی بایدن قەدەغە دەکات.

ئەوەی ئێستا ڕوودەدات: بەگوێرەی ئەو بەیاننامەیەی بڵاوکراوەتەوە لەلایەن داواکاری گشتی ویلایەتەکانەوە، بڕیارەکەی بایدن دەبێتە هۆی زیانی ملیاران دۆلار لە وەبەرهێنان لە ناوخۆ و دەرەوەی وڵات و سنووردارکردنی توانای ناوچە جیاوازەکان لە ئەمریکا کە وابەستەی هەناردەکردنی غازی شلن.

ئەوەش بزانە: پێشتر بایدن ڕایگەیاندبوو، ئەمریکا پڕۆسەی پەسەندکردنی گرێبەستە نوێیەکانی هەناردەکردنی غازی سرووشتی شل ڕادەگرێت،  ئەوەش بەهۆی ئەو دۆخەی کە پەیوەندی بە گۆڕانی کەشوهەواوە هەیە؛ ئەم بڕیارەش لەلایەن کۆمارییەکانەوە ڕەخنەی توندی لێکەوتەوە.