چوارچێوەی هەماهەنگی سەبارەت بە یاسای حەشد و دادگای فیدراڵی کۆدەبێتەوە

ئاڤا نیوز

بڕیارە هەفتەی داهاتوو، لایەنەکانی چوارچێوەی هەماهەنگی بۆ کاراکردنەوەی پەرلەمانی عێراق و پەسەندکردنی چەند یاسایەکی گرنگ پێش کۆتاییهاتنی خولی ئێستای پەرلەمان کۆببنەوە.

وێنە گەورەکە: سەرکردەکانی هاوپەیمانیی چوارچێوەی هەماهەنگی کۆبوونەوەی مانگانەی ئاسایی خۆیان ئەنجامدەدەن، ژمارەیەک پرسی سیاسی و ئابووری و ئەمنی لە عێراق و ناوچەکە تاوتوێ دەکەن.

لێدوانی فەرمی: عامر فایز، ئەندامی پەرلەمان و سەرکردە لە چوارچێوەی هەماهەنگی، ڕایگەیاند: بۆ کاراکردنەوەی ڕۆڵی پەرلەمان و پەسەندکردنی ژمارەیەک یاسای گرنگ، دیارترینیان یاسای حەشدی شەعبی و دادگای فیدراڵی، چوارچێوەی هەماهەنگی هەفتەی داهاتوو کۆدەبێتەوە.

فایز ئاماژەی بەوەکرد، پێویستە پێش کۆتاییهاتنی ئەم خولەی پەرلەمان، ئەو دوو یاسایە و چەند یاسایەکی دیکە پەسەند بکرێن.