حەماس: نەتانیاهۆ نایەوێت ئاگربەستی غەززە بکرێت

ئاڤا نیوز

دانوستانەکان بۆ ئاگربەستی غەززە بەردەوامن بەڵام هەر یەکە لە ئیسرائیل و بزووتنەوەی حەماس یەکتری بە تێکدانی دانوستانەکان تۆمەتبار دەکەن.

چیڕۆکی سەرەکی: سەرەڕای بەردوامبوونی دانوستانەکانی نێوان ئیسرائیل و بزووتنەوەی حەماس بۆ ڕێککەوتن لەسەر ئاگربەست لە غەززە، ئامادەبوونی شاندەکان لە دەوحەی پایتەختی قەتەر، بەڵام تاوەکوو ئێستا هیچ گۆڕانێک بە ئاراستەی ئاگربەست بە دی نەکراوە بەڵام هەردوو لایەن بە تێکدانی دانووستانەکان تۆمەتبار دەکات و ڕایگەیاندووە، ناتانیاهۆ نایەوێت هیچ ڕێککەوتنێک لەبارەی غەززەوە بکات، ئەمەش لەکاتێکدایە کە پێشتر سەرۆکوەزیرانی ئیسرائیل ڕایگەیاندبوو، حەماس پێشنیازی ئاگربەستی ڕەت کردووەتەوە.

زانیاریی بەدەستهاتوو: بزووتنەوەی حەماس لە کەناڵی تێلێگرام بڵاوکردووەتەوە، بنیامین نەتانیاهۆ، سەرۆکوەزیرانی ئیسرائیل نایەوێت لەبارەی ئاگربەستی غەززە ڕێک بکەوێت.

ئەوەی لەبارەیەوە دەگوترێت: ئاژانسی فرانس پرێس، لەسەر زاری بەرپرسێکی حەماس بڵاویکردووەتەوە، وڵاتانی نێوەندگیر، بەدوای ڕێگا چارەیەک دەگەڕێن بۆ ئەوەی ئەو ناکۆکییانەی لە نێوان بزووتنەوەکە و ئیسرائیل هەیە چارە بکەن.

لەلایەکی دیکەوە:  نێردەی ترەمپ، بۆ ڕۆژهەڵاتی ناوەڕاست گەشبینی خۆی سەبارەت بە دانووستانەکانی حەماس و ئیسرائیل دەربڕیبوو.