کارکردن لە پرۆژەی ئاوی گۆپتەپە - چەمچەماڵ بەردەوامە

شەیری بکە لە:
کارکردن لە پرۆژەی ئاوی گۆپتەپە - چەمچەماڵ بەردەوامە

دیمەنی پرۆژەی ئاوی گۆپتەپە - چەمچەماڵ. وێنە؛ KRG

ئاڤا نیوز

حکومەتی هەرێمی کوردستان بەردەوامە لە جێبەجێکردنی پرۆژەکانی ئاو بەمەبەستی ڕزگار بوون لە قەیرانی کەمئاوی، پرۆژەی ئاوی گۆپتەپە - چەمچەماڵ یەکێکە لەو پرۆژانە و کارکردن تێیدا بەردەوامە، بەڕێوەبەری گشتیی ئاو و ئاوەڕۆی هەرێمی کوردستان دەڵێت 'لە ماوەی ساڵێک و دوو مانگدا کارەکانی کۆتایی دێت'.

چیرۆکی سەرەکی: لە مانگی هەشتی 2024 کارکردن لە پڕۆژەی ئاوی گۆپتەپە – چەمچەماڵ دەستیپێکردووە، یەکێکە لە پرۆژە ستراتیژییەکانی کابینەی نۆیەمی حکومەتی هەرێمی کوردستان، پێشتر بەهۆی بەردەست نەبوونی بودجە ئەو کۆمپانیایەی کاری لە پرۆژەکەدا دەکرد کارەکانی ڕاگرتبوو.

لێدوانی فەرمی: ئاری ئەحمەد، بەڕێوەبەری گشتیی ئاو و ئاوەڕۆی هەرێمی کوردستان بە ئاڤا میدیای ڕاگەیاند: 10%ـی پرۆژەی ئاوی گۆپتەپە - چەمچەماڵ تەواو بووە، ئێستاش بە چڕی کارکردن لە پرۆژەکەدا بەردەوامە، ئەگەر کێشەی دابینکردنی پارە و سیولە نەبێت، ئەوا لە ماوەی یەک ساڵ و دوو مانگدا کارەکانی تەواو دەبێت.

زانیاریی زیاتر: بەگوتەی بەڕێوەبەری گشتیی ئاو و ئاوەڕۆی هەرێمی کوردستان، بە تەواوبوونی پڕۆژەی ئاوی گۆپتەپە - چەمچەماڵ، هەریەک لە ناحییەکانی تەکیە، شۆڕش، ئاخجەلەر، ڕزگاری، ناوەندی چەمچەماڵیش لە کێشەی کەمئاوی ڕزگاریان دەبێت.

پڕۆژەی ئاوی گۆپتەپە - چەمچەماڵ، لە یەک کاتژمێردا توانای دابینکردنی سێ هەزار و 400 مەتر چوارگۆشە ئاوی هەیە. 

شەیری بکە لە:

دوایین هەواڵەکان

هەڵبژاردەکان بۆ تۆ