ئۆکراینا وادەی گەڕی نوێی دانوستانی لەگەڵ ڕووسیا ئاشکرا کرد

ئاڤا نیوز

لەبارەی گەڕێکی نوێی دانوستانەکان ئاشتی لە نێوان ڕووسیا و ئۆکراینا، سەرۆکی ئۆکرانیا ئامادەکاری بۆ دانوستانەکان دەکات و بڕیارە لەم هەفتەیە لە تورکیا بەڕێوەبچێت.

 

 چیڕۆکی سەرەکی: ئۆکراینا بۆ کۆتاییهێنان بە جەنگ پێشنیازی گەڕێکی دیکەی دانوستانی ئاشتی لەگەڵ ڕووسیا بۆ هەفتەی داهاتوو کردووە، ئەمەش دوای ئەوەی کە دانوستانەکان لە سەرەتای مانگی شەشەوە ڕاگیراون تاوەکو ئێستا هەردوو لایەن تەنیا دوو گەڕی دانوستانیان بە نێوەندگیری تورکیا ئەنجامداوە.

 

لێدوانی فەرمی: ڤۆلۆدیمێر زێلێنسکی، سەرۆکی ئۆکراینا ڕایگەیاند، ڕۆژی چوارشەممە گەڕێکی دیکەی دانوستانەکان لەگەڵ ڕووسیا لە ئیستانبوڵ بەڕێوەدەچێت، هاوکات وتیشی، لەگەڵ سکرتێری ئەنجوومەنی ئاسایشی ئۆکراینا پرسی ئاڵۆگۆڕی دیلەکان و ئامادەکارییەکانی تاوتوێی کردووە

 

زانیاریی بەدەستهاتوو: لای خۆیەوە کۆشكی سەرۆکایەتیی ڕووسیا دوێنی ئامادەیی خۆی بۆ ئەنجامدانی دانووستان لەگەڵ ئۆکراینا دەربڕی بەلام سەبارەت بە وادەکە وتی کە  هەر کاتێک لەسەر وادەکە ڕێککەوتین، ئاگادارتان دەکەینەوە

 

کاریگەری و لێکەوتەکان: هەموو ئەمانەش لە کاتێکدان، دۆناڵد ترەمپ، سەرۆکی ئەمریکا 50 ڕۆژ مۆڵەتی بە پووتیندا داوە تاوەکو لەگەڵ ئۆکراینا بگاتە ڕێککەوتن