بەرپرسێکی باڵای داعش لە سووریا کوژرا

ئاڤا نیوز

لە ئۆپەراسیۆنێکی سەربازیدا بۆ سەر چەکدارانی داعش لە سووریا، چوار چەکدار لەنێویاندا بەرپرسێکی باڵای عێراقیی داعش کوژروان.

چیرۆکی سەرەکی: بەپێی سەرچاوەیەکی ئەمنیی سووریا، بەرەبەیانی ئەمڕۆ هەینی 25-7-2025، هێزێکی هاوبەشی وەزارەتی بەرگری و وەزارەتی ناوخۆ، بە پاڵپشتیی هێلیکۆپتەری سەربازی و هێزەکانی هاوپەیمانیی نێودەوڵەتی، ئۆپەراسیۆنێکی ئەمنییان بۆ سەر شانەکانی ڕێکخراوی داعش لە شاری باب لە لادێکانی ڕۆژهەڵاتی حەلەب ئەنجامداوە.

زانیاریی بەدەستهاتوو: لە ئەنجامی ئۆپەراسیۆنەکەدا چوار چەکداری داعش، کە یەکێکیان پەرپرسێکی باڵای ئەو ڕێکخراوەیە و  خەڵکی عێراقە کوژروان.

زانیاریی زیاتر: بەپێی میدیا عەرەبییەکان، تا کاتی ئامادەکردنی ئەم هەواڵە، سەرچاوەکان ناو و ناسنامەی کوژراوەکانیان ئاشکرا نەکردووە.