ترەمپ: لەگەڵ کیەر ستارمەر باسی دەوڵەتی فەلەستینمان نەکردووە

ئاڤا نیوز

 

دوای سەردانەکەی بۆ بەریتانیا و کۆبوونەوەی لەگەڵ سەرۆکوەزیرانی بەریتانیا، دۆناڵد ترەمپ سەرۆکی ئەمریکا ڕایگەیاند، لەگەڵ کیەر ستارمەر باسی دەوڵەتی فەلەستینییان نەکردووە.

 

ڕاگەیێنراوی فەرمی: نووسینگەی کەیر ستارمەر، سەرۆکوەزیرانی بەریتانیا ڕایگەیاند، وڵاتەکەی بەنیازە لە مانگی ئەیلوولی داهاتوو لە کۆبوونەوەی گشتیی نەتەوەیەکگرتووەکان دان بە دەوڵەتی فەلەستینیدا بنێت ئەگەر حکومەتی ئیسرائیل هەنگاوی جەوهەری بۆ کۆتاییهێنان بە دۆخی ترسناکی غەززە نەنێت.

 

لەلایەکی دیکە: دۆناڵد ترەمپ، سەرۆکی ئەمریکا چەند ڕۆژێکە بە گەشتێک لە سکۆتلەندایە و لەگەڵ کیەر ستارمەر سەرۆکوەزیرانی بەریتانیا کۆبووەیەوە. دوای کۆبوونەوەکە ترەمپ گوتی، لەگەڵ سەرۆکوەزیرانی بەریتانیا، پلانی بەریتانیایان بۆ داننان بە دەوڵەتی فەڵەستیندا باس نەکردووە.

 

بە تەنیشت ئەم بابەتەوە: شازادە فەیسەڵ بن فەرحان، وەزیری دەرەوەی سعودییە، لەگەڵ هاوتا بەریتانییەکەی، دەیڤید لامی، هەوڵەکانی کەمکردنەوەی "ئازار"ـە مرۆییەکانی غەززەی تاوتوێ کرد. شازادە فەیسەڵ پێشوازی لە ڕاگەیاندنی بەریتانیا سەبارەت بە نیازی دانپێدانانی دەوڵەتی فەلەستین کرد.