بەرگریی شارستانیی غەززە: لە 60٪ ئۆتۆمبێلەکانمان لەکارکەوتوون

ئاڤا نیوز 

 

ڕۆژی دووشەممە، بەرگریی شارستانی لە غەززە ڕایگەیاند 60٪ی ئۆتۆمبێلەکانی لە سەرانسەری کەرتی غەززە لە خزمەتگوزاری دەرچوون بەهۆی کەمیی سووتەمەنی و نەبوونی پارچەی یەدەگ بۆ چاکردنەوەیان بەهۆی بۆردوومان و گەمارۆی ئیسرائیلەوە هاوکات هۆشداریدا لە کارەساتێکی مرۆیی.

چیرۆکی سەرەکی: پەککەوتنی خزمەتگوزارییە گرنگەکان لە کاتێکدایە پێنج مانگە ئیسرائیل گەمارۆی کەرتی غەززەی داوە، ئەمەش خەڵکی غەززەی گەیاندووە ئاستێکی بێوێنە و کاری تیمەکانی فریاگوزاری و هاوکارییەکانی ڕووبەڕووی ئاستەنگی گەورە و تەنانەت پەکخستن کردووە.

 

ڕاگەیێنراوی فەرمی: بەرگریی شارستانیی غەززە ئاماژەی بەوەشکردووە، توانیویانە بڕێکی کەم سووتەمەنی لە هەندێک ڕێکخراوی مرۆیی و فریاگوزاری دابین بکەن، کە لەسەدا 15٪ی پێویستی پیشەیی ڕۆژانە زیاتر نییە.

 

زانیاریی زیاتر: لە سەرەتای جەنگەوە لە ساڵی 2023، ئیسرائیل زیاتر لە 210 هەزار کەسی کوشتوە یان بریندار کردووە کە زۆربەیان منداڵ و ژنن، زیاتر لە نۆ هەزار کەسیش بێسەروشوێنن، ئەمە جگە لە سەدان هەزار ئاوارەبوون و برسێتی کە بەهۆیەوە دەیان کەس  گیانیان لەدەستداوە.