بە هۆی لافاوەوە دەیان کەس لە پاکستان گیان لەدەست دەدەن

ئاڤا نیوز

بەهۆی شەپۆلێکی بارانبارین و لافاوەوە لانیکەم 50 کەس لە پاکستان گیانیان لەدەستدا.

لێدوانی فەرمی: حکومەتی پاکستان ڕایگەیاند: بارانی هاوینە لەسەرتاسەر ناوچە باکوورییەکانی ئەو وڵاتە بووەتە هۆی گیانلەدەستدانی لانیکەم 50 کەس و برینداربوونی ژمارەیەکی دیکە.

زانیاریی زیاتر: لەناو ئەو کەسانەی کە گیانیان لەدەستداوە لە پارێزگای خیبەر پەختونخوا، 16 کەس و لە بەشە پاکستانییەکەی کشمیریش حەوت کەس گیانیان لەدەستداوە.

ئەمەش بزانە: ساڵانە بە هۆی بارانبارینی وەرزی هاوینەوە دەیان کەس لە پاکستان، هیندستان و وڵاتانی ناوچەکە گیان لەدەست دەدەن.