ژمارەی کوژاراوانی کەرتی غەززە 62 هەزار کەسی تێپەڕاند

ئاڤا نیوز

تا دێت ژمارەی کوژراوانی کەرتی غەززە بەهۆی هێرشە بەردەوامەکانی ئیسرائیل و پەیڕەوکردنی سیاسەتی برسیکردن بەرزتر دەبێتەوە.

 

وێنە گەورەکە: سەڕەرای هەوڵە نێودەوڵەتییەکان بۆ ڕاگرتنی شەڕی غەززە و گەیشتن بە ئاگربەستێکی گشتگیر، بەڵام ئیسرائیل بەردەوامە لە وێرانکاری و کوشتن لەو کەرتە، هاوکات ژمارەی ئەو کەسانەی لە ساڵی 2023ـەوە بەهۆی هێرشەکانی ئیسرائیلەوە کوژراون 62 هەزار کەسی تێپەڕاند.

 

بڵاوکراوەی فەرمی: وەزارەتی تەندروستیی کەرتی غەززە ڕایگەیاند: لە سەرەتایی دەستپێکردنی هێرشەکانی ئیسرائیل نۆ سەر کەرتی غەززە لە 7ـی ئۆکتۆبەری ساڵی 2023ـەوە تاوەکو ئێستا زیاتر لە 62 هەزار کوژراون و 156 هەزار و230 کەسی دیکەش برینداربوون.  

لەلایەکی دیکەوە: سەرچاوە پزیشکییەکانی کەرتی غەززە رایانگەیاند: بەهۆی پەیڕەوکردنی سیاسەتی برسیکردن و گەمارۆکانی ئیسرائیل تاوەک ئێستا 263 کەس گیانیان لەدەستداوە و لە ناویاندا 112ـیان منداڵن و 320 هەزار منداڵی دیکەش لە ژێر مەترسی بەدخۆراکی دان.