ئەمریکا لەبارەی ڕووداوەکەی سلێمانی: داوا لە هەموو لایەنەکان دەکەین دان بەخۆیاندا بگرن

ئاڤا نیوز

باڵیۆزخانەی ئەمریکا لە عێراق نیگەرانی خۆی لەبارەی تووندوتیژییەکانی ئەم دواییەی شاری سلێمانی دەردەبڕێت و داوای دان بەخۆداگرتن لە هەموو لایەنەکان دەکات.

ڕاگەیێنراوی فەرمی: باڵیۆزخانەی ئەمریکا لە عێراق لە ڕاگەیێنراوێکدا ڕایگەیاند، بەوردی چاودێری بارودۆخی شاری سلێمانی دەکەن. "ئێمە دژی هەر تووندوتیژییەکین کە هەڕەشە لە سەلامەتی و سەقامگیری گشتی بکات و داوا لە هەموو لایەنەکان دەکەین دانبەخۆیاندا بگرن."

باکگراوند: شەوی 21 لەسەر 22ـی ئاب، هێزێکی ئەمنی سلێمانی هەڵیکوتایە سەر ماڵی لاهوور شێخ جەنگی، سەرۆکی بەرەی گەل، دوای شەڕ و پێکدادانێک ناوبراو دەستگیر کرا.