ماوەی پڕکردنەوەی پسوولەی ئەلیکترۆنی خۆراک درێژکرایەوە

ئاڤا نیوز

ماوەی پڕکردنەوەی پسوولەی خۆراک تاوەکو سەرەتای مانگی نۆ درێژکرایەوە و دوای ئەو وادەیە تۆمارکردن دەبێتە پارە.

 

چیرۆکی سەرەکی: ئەمڕۆ دووشەممە کۆتا وادەبوو بۆ تۆمارکردنی هاووڵاتیان، بەڵام ئەم بەیانییە نووسراوێک گەیشتە وەزارەتی بازرگانی و پیشەسازی عێراق و وادەکە درێژکرایەوە، ڕێژەی تۆمارکردنی هاووڵاتیانی هەرێمی کوردستان 85٪ـی تێپەڕاندووە.

لێدوانی فەرمی: سیامەند قادر نانەکەلی، بەڕێوەبەری پسوولەی خۆراکی هەولێر؛ بە ئاڤای گوت، "وادەکە درێژکراوەتەوە بۆ 01-09-2025، دوای تەواوبوونی ئەو وادەیە، پڕكردنەوەی فۆڕم دەبێتە پارە و بۆ هەر کەسێک 10 هەزار دینارە، بەڵام بە نووسراو داوامانکردووە بکرێت بە 5 هەزار دینار."

ئەمەش بزانە: مانگی ڕابردوو بەهۆی تۆمارنەكردنیان لە فۆڕمی ئەلیكترۆنی خۆراك، بە بڕیاری وەزارەتی بازرگانیی عێراق، بەشە ئاردی زیاتر لە 800 هەزار هاووڵاتیی هەرێمی كوردستان بڕدرا ئەوانەی تاوەکو ئێستا خۆیان تۆمارنەکردووە، بەشە ئاردی هەشتەمیش وەرناگرن.