نمایشێکی سەربازی شی و پووتین و کیم کۆدەکاتەوە

ئاڤا نیوز

نمایشی سەربازی چین لە گۆڕەپانی تیانانمەن بۆ یادی 80 ساڵەی کۆتاییهاتنی جەنگی دووەمی جیهانی کرا، سەرۆکی چین تێیدا وتاری پێشکەشکرد و پەردەی لەسەر پێشکەوتووترین چەک لابرد. هەر لەچوارچێوەی ڕێوڕەسمەکەدا، هەر یەکە لە پووتین و کیم کۆبوونەوە.

چی ڕوودەدات: لەساڵیادی 80 ساڵەی کۆتاییهاتنی جەنگی جیهانی دووەم 26 سەکردەی وڵاتان بەشداری ڕێوڕەسمەکە بوون و لەم چوارچێوەیەدا، شی جین پینگ، سەرۆکی چین و ڤلادیمێر پووتین، سەرۆکی ڕووسیا و کیم جۆنگ ئون، سەرۆکی کۆریای باکوور ئامادەبوون.

زانیاریی بەدەستهاتوو: پووتین لەگەڵ کیم جونگ ئون  کۆبووەوە و سوپاسی پشتگیرییە سەربازییەکانی کرد بە تایبەتی کە پشتگیریی سوپای وڵاتەکەیان کردووە لە شەڕی دژ بە ئۆکراینا.

ڕاگەیێنراوی فەرمی: شی جین پینگ، سەرۆکی چین لە وتارەکەیدا ڕایگەیاند، وڵاتەکەی ناتوانرێت بوەستێنرێت، هاوکات لە میانەی ڕێوڕەسمەکەدا چین چەندین چەکی نوێی دروستکراوی ناوخۆیی وڵاتەکەی نمایش کرد.