پووتین ستایشی ترەمپ دەکات

ئاڤا نیوز

ڤلادیمێر پووتین، سەرۆکی ڕووسیا، ستایشی هەوڵەکانی ئاشتیی دۆناڵد ترەمپ، سەرۆکی ئەمریکا لە هەوڵدان بۆ کۆتاییهێنان بە شەڕ لەگەڵ ئۆکراینا دەکات.

وێنە گەورەکە: هەوڵەکانی ئەمریکا و خودی دۆناڵد ترەمپ بۆ کۆتاییهێنان بە شەڕی سێ ساڵەی نێوان ڕووسیا و ئۆکراینا بەردەوامن و ڕووسیاش بە شێوەیەکی ئەرێنی دەڕوانێتە هەوڵەکان، هیواخوازە ئۆکراینا بە مەرجەکان ڕازی بێت.

لێدوانی فەرمی: دیمیتری پێسکۆڤ، وتەبێژی کۆشکی کرێملن ڕایگەیاند، پووتین هەوڵەکانی ترەمپ بەرزدەنرخێنێت و سوپاسگوزاری سەرۆکی ئەمریکایە.

زانیاریی زیاتر: بە گوتەی پیسکۆڤ، پووتین بانگهێشتی ڤۆلۆدیمێر زێلێنسکی کردووە بۆ مۆسکۆ بۆ گفتوگۆکردن، نەک خۆبەدەستەوەدان، هەوڵەکانی چارەسەرکردنی ململانێکان بەردەوامن، بەڵام هێشتا زووە بۆ ئەوەی بزانرێت کەی چارەسەر دەکرێن.