ئاڤای خەڵک؛ دوای بەدواداچوونی ئاڤا کێشەی خێزانە بێ خانووەکەی هەولێر چارەسەر کرا

ئاڤا نیوز

دوای ئەوەی لە ماوەی ڕابردوودا کێشەی خێزانێک لە هەولێر بووە جێگەی سەرنجی ڕای گشتی و میدیاکان، کە تێیدا پیاوێک بە بڕیاری دادگا دەرگای بەسەر ژن و منداڵەکانی داخستبوو و خانوەکەشی فرۆشتبوو، ئێستا ئەو کێشەیە چارەسەر کراوە.

زانیاریی بەدەستهاتوو: بەپێی زانیارییەکانی ئاڤا، کێشەی ئەو خێزانە چارەسەر کراوە و لە ئێستادا خانوویەکیان بە کرێ بۆ گیراوە. ئەم چارەسەرە دوای ئەوە هات کە وەزیری ناوخۆی حکومەتی هەرێمی کوردستان بەدەم داواکاری و کێشەی ئەم خێزانەوە چووە و هەنگاوی پێویستی بۆ چارەسەرکردنی دۆخەکەیان نا.

لێدوانی فەرمی: دایکی منداڵەکان، لە لێدوانێکدا سوپاسی کەناڵی ئاڤای کرد کە ڕۆڵی گرنگی هەبوو لە گەیاندنی دەنگیان و ڕزگارکردنیان لەو نەهامەتی و دۆخە سەختەی تێیدا بوون.