مەسرور بارزانی جەخت لە مافی پێکهاتەکان و پێکەوەژیان دەکاتەوە

ئاڤا نیوز

سەرۆکوەزیران مەسرور بارزانی پێشوازیی لە ژمارەیەک کەسایەتیی ئاشووری نیشتەجێی ئەمریکا کرد و پەرەپێدانی زیاتری کولتووری بەیەکەوەژیان و ئازادی ئایینی لە هەرێمی کوردستان دووپات کردەوە.

چیرۆکی سەرەکی: ئه‌مڕۆ دووشەممە‌ 2025-09-15، سەرۆکوەزیران مەسرور بارزانى، پێشوازی له‌ ژمارەیەک کەسایەتیی ئاشووری نیشتەجێی ئه‌مه‌ريكا به‌ سه‌رۆكايه‌تيى سام ده‌رمۆ، سه‌رۆكى دامه‌زراوه‌ى ئاشوورييه‌كان له‌پێناو دادوه‌ريدا كرد.

ڕاگەیێنراوی فەرمی: ماڵپەڕی حکومەتی هەرێمی کوردستان بڵاویکردەوە، شاندەکە ستایشی دۆخی بەیەکەوەژیانی ئاشتیانە و ئازادیی لە هەرێمی کوردستانیان کردووە.

زانیاریی زیاتر: لە دیدارەکەدا سەرۆکوەزیران مەسرور بارزانی، پابەندبوونی حکومەتی هەرێمی کوردستانی بە پاراستنی مافی گشت پێکهاتەکان و پەرەپێدانی زیاتری کولتووری بەیەکەوەژیان و ئازادی ئایینی لە هەرێمی کوردستان دووپات کردەوە.