مەسرور بارزانی: نەخۆشخانەی منداڵانی زاخۆ بۆ خزمەتی هاونیشتمانیان دروستکراوە

ئاڤا نیوز

"حکومەتی هەرێمی کوردستان بەردەوام پشتیوان دەبێت بۆ خزمەتی هاونیشتمانییان, خۆشحاڵین کە ئەم نەخۆشخانەیە بە بەرزترین کوالێتی بۆ خزمەتی خەڵکی دروستکراوە".

چیرۆکی سەرەکی: ئەمڕۆ یەکشەممە مەسرور بارزانی، زەنگی ساڵی نوێی خوێندنی 2025-2026ـی لە قوتابخانەی دمدمی تێکەڵاو لە زاخۆ لێدا، هاوکات لە 7500 ناوەند ساڵی نوێی خوێندن دەستیپێکرد, دواتریش سەرۆکوەزیران نەخۆشخانەی منداڵانی لە زاخۆ کردەوە. 

لێدوانی فەرمی: سەرۆکوەزیران مەسرور بارزانی لە ڕێوڕەسمی کردنەوەی نەخۆشخانەی منداڵان لە زاخۆ ڕایگەیاند: حکومەتی هەرێمی کوردستان بەردەوام پشتیوان دەبێت بۆ خزمەتی هاونیشتمانییان, خۆشحاڵین کە ئەم نەخۆشخانەیە بە بەرزترین کوالێتی بۆ خزمەتی خەڵکی دروستکراوە، هیوادارم هیچ کەسیش پێویستی بە سەردانی نەخۆشخانە نەبێت. 

لەلایەکی دیکەوە: سەرۆکوەزیران لە کۆنگرەیەکی ڕۆژنامەوانیدا ڕایگەیاند: ئەمڕۆ چوارەمین ساڵیادی دامەزراندنی ئیدارەی سەربەخۆی زاخۆیە، لەماوەی ئەم چەند ساڵە بەهەوڵی هەموولایەک و سەرپەرشتیاری ئیدارەکە، ناوچەکە بووەتە شوێنێکی سەرنجڕاکێش، هاونیشتمانیان و گەشتیاران لە هەموو لایەکەوە سەردانی دەکەن.