عێراق و ئێران دەیان ڕووفاتی سەربازی ئاڵوگۆڕ دەکەن

ئاڤا نیوز

سەرچاوەیەکی ئەمنی لە پارێزگای بەسڕە بڵاویکردەوە، ڕووفاتی 118 سەربازی عێراقی و ئێرانی کە لە ئەنجامی شەڕی هەشت ساڵای نێوان ئەو دوو وڵاتە کوژراون لە دەروازەی سنووری شەلەمچە ئاڵوگۆڕ کران.

زانیاریی بەدەستهاتوو: ڕۆژی یەکشەممە، ئەو سەرچاوەیە ڕایگەیاند کە لە دەروازەی سنووری شەلەمچە ئەمڕۆ ئاڵوگۆڕی ڕووفاتی 70 سەربازی عێراقی و 48 ئێرانی کرا، کە لە شەڕی ساڵی هەشتاکان کوژراون، بەبێ ئەوەی وردەکاریی زیاتر ئاشکرا بکرێت.

زانیاریی زیاتر: وەزارەتی بەرگریی عێراق ماوە ماوە وەرگرتنەوەی ڕووفاتی قوربانییانی شەڕی نێوان هەردوو وڵات ڕادەگەیەنێت، دوای ئەوەی پشکنینی پزیشکییان بۆ دەکرێت و ناسنامەیان دیار دەکرێت. 

باکگراوند: جەنگی نێوان عێراق و ئێران ماوەی هەشت ساڵی خایاند، شەڕەکە لە ساڵی 1980 دەستیپێکرد و تا ساڵی 1988 بەردەوام بوو، لەو شەڕەدا سەدان هەزار قوربانیی لەهەردوولا بەدوای خۆیدا هێنا.